បុគ្គលិកធនាគារម្នាក់ ប្រើអំពើហិង្សាមកលើ មេភូមិតាវៀន ក្នុងសង្កាត់ សាលាកំរើក ក្រុងសៀមរាប

ខេត្តសៀមរាប៖ នៅថ្ងៃទី១៤ ខែឧសភា ឆ្នាំ២០២៥ វេលាម៉ោង០១.២៤នាទី នៅចំណុចបន្ទប់ជួលក្នុងក្រុមទី១ ភូមិតាវៀន សង្កាត់សាលាកំរើក ក្រុងសៀមរាប ខេត្តសៀមរាប មានករណីហិង្សាដោយចេតនា ( ច្រានជនរងគ្រោះដួលទៅលើដី ដោយក្បាលត្រូវនឹងថ្ម បណ្តាលហូរឈាម)។ បង្កឡើងដោយជនសសង្ស័យឈ្មោះ ថៃ វិសុទ្ធ ភែទប្រុស អាយុ២៨ឆ្នាំ ជនជាតិខ្មែរ មុខរបរបុគ្គលិកធនាគារ មានស្រុកកំណើតនៅភូមិកំពង់ក្តី១ ឃុំកំពង់ក្តី ស្រុកជីក្រែង ខេត្តសៀមរាប ស្នាក់នៅបន្ទប់ជួលទីតាំងកើតហេតុ ក្នុងភូមិតាវៀន សង្កាត់សាលាកំរើក ក្រុងសៀមរាប ខេត្តសៀមរាប បានផឹកស្រាវឹង ឈ្លោះជាមួយម្ចាស់ផ្ទះជួល។ បន្ទាប់មកម្ចាស់ផ្ទះជួល បានទូរស័ព្ទមកជនរងគ្រោះឈ្មោះ សោ តារា ភេទប្រុស អាយុ៥៧ឆ្នាំ មុខរបរមេភូមិតាវៀន រស់នៅភូមិកើតហេតុ ដើម្បីជួយអន្តរាគមន៍។ ក្រោយពីទទួលសេចក្តីរាយការណ៍ពីម្ចាស់ផ្ទះជួល ជនរងគ្រោះក៏ចុះទៅជួយអន្តរាគមន៍ ក៏ត្រូវជនសង្ស័យខាងលើ រុញជនរងគ្រោះដួលទៅលើដី បណ្តាលឲក្បាលបោកប៉ះនឹងថ្ម រយាស់ហូរឈាម បន្ទាប់មកសមត្ថកិច្ចយើងបានចុះទៅអន្តរាគមន៍ ហើយនាំខ្លួនជនសង្ស័យមកប៉ុស្តីរដ្ឋបាលដើម្បីសាកសួរអង្គហេតុ ហើយជនសង្ស័យក៍បានឆ្លើយសារភាពទាងស្រុងពីករណីខាងលើនេះ។គរណីនេះដែលជនបង្ករត្រូវបាននគរបាលបុស្តិ៍នំាយកទៅអធិកាដ្ឋាននគរបាលក្រុងសៀមរាប។ យ៉ាងណាមិញសារព័ត៌មានយើងខ្ញុំមិនទាន់ទទួលបានរបាយការណ៍ពីអធិការក្រុងនៅឡើយ។ ដូច្នេះសូមរងចំាតាមដានភាគបន្ត៕

ស្រ្តីជនជាតិខ្មែរ ០១នាក់ស្លាប់ នៅខុនដូរស្តាបេ ជាន់ទី១៣ បន្ទប់លេខ១៣១៦ ស្ថិតក្នុងសង្កាត់លេខ៣ ក្រុងព្រះសីហនុខេត្តព្រះសីហនុ

ខេត្តព្រះសីហនុ៖ នៅថ្ងៃទី១២ ខែឧសភា ឆ្នាំ២០២៥ វេលាម៉ោង១៥ និង៤០នាទី ផ្នែកពិនិត្យវិភាគកន្លែងកើតនៃអធិការដ្ឋាននគរបាលក្រុងព្រះសីហនុ បានចូលរួមជាមួយ ការិយាល័យនគរបាលបច្ចេកទេស និងវិទ្យាសាស្រ្តបានចុះពិនិត្យសាកសពស្ត្រីជនជាតិខ្មែរ ០១នាក់ ស្លាប់នៅខុនដូរស្តាបេ ជាន់ទី១៣ បន្ទប់លេខ១៣១៦ ស្ថិតនៅក្រុមទី១៤ ភូមិ១ សង្កាត់លេខ៣ ក្រុង-ខេត្តព្រះសីហនុ។ អំពីអត្តសញ្ញាណសពឈ្មោះ ចាន់ សារ៉ាន់ ភេទស្រី អាយុ២៦ឆ្នាំ ជនជាតិខ្មែរ ថ្ងៃ-ខែ-ឆ្នាំកំណើត៖ ថ្ងៃទី០៦ ខែសីហា ឆ្នាំ១៩៩៩ កាន់អត្តសញ្ញាណប័ណ្ណសញ្ជាតិខ្មែរលេខ៖ ០៥១៦០៦៥៧៨ ចុះថ្ងៃទី១៨ ខែមេសា ឆ្នាំ២០១៩ សុពលភាព៖ ថ្ងៃទី១៧ ខែមេសា ឆ្នាំ២០២៩។ ស្ថានភាពទូទៅកន្លែងកើតហេតុ និងសាកសព៖សពស្ថិតលើគ្រែពូក សពផ្អៀងទៅខាងឆ្វេង សពបែរទៅទិសខាងលិច សពពាក់អាវយឺតវាលក្លៀកពណ៌ត្នោត ស្លៀកខោជើងវែងការ៉ូពណ៌សលាយខ្មៅ ដៃទាំងពីរដាក់ក្រោមទ្រូង ជើងទាំងពីរសណ្តូកត្រង់ស្របតាមដងខ្លួន ។ ការពិនិត្យស្លាកស្នាម សពមានសភាពរឹង មាត់-ភ្នែកបិទ ក្រចកដៃជើងស្វាយ ស្រូលឈាមតាមដំណេកនៃសព ជំនាញបានពិនិត្យសព្វសារពាង្គកាយពុំមានស្លាកស្នាមអ្វីលើសពីនេះឡេីយ។ ដំណើររឿងហេតុ ៖ យោងតាមការសួរបំភ្លឺមិត្តភក្តិជនរងគ្រោះបានឱ្យដឹងថា៖នៅថ្ងៃទី០៩ […]

«វគ្គបណ្តុះបណ្តាលជំនាញវិជ្ជាជីវៈដូនតា» ត្រូវបានរាជរដ្ឋាភិបាលកម្ពុជា ផ្តល់អាទិភាព ដើម្បីទទួលបាននូវអាជីពជំនាញ និងលើកកម្ពស់ជីវភាព ដល់យុវជនមកពីគ្រួសារក្រីក្រ

(សៀមរាប)៖ «បើកវគ្គបណ្តុះបណ្តាលជំនាញវិជ្ជាជីវៈដូនតាឆ្នាំសិក្សា២០២៥-២០២៦» និងបិទវគ្គបណ្តុះបណ្តាលជំនាញវិជ្ជាជីវៈដូនតា ឆ្នាំសិក្សា២០២៤-២០២៥ ស្ថិតក្នុងអធិបតីភាពរបស់ លោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌និងវិចិត្រសិល្បៈ និងវត្តមានរបស់លោក លោកស្រី តំណាងក្រសួង ស្ថាប័ន មន្ទីរ អង្គភាព គណៈអភិបាលខេត្ត អង្គការ សមាគមពាក់ព័ន្ធ និងសិក្ខាកាម ផងដែរនៅព្រឹកថ្ងៃទី១៣ ខែឧសភា ឆ្នាំ២០២៥នេះ នៅមន្ទីរវប្បធម៌និងវិចិត្រសិល្បៈខេត្តសៀមរាប។ តាមរបាយការណ៍របស់លោក ឈុំ ម៉េងហុង អគ្គនាយក នៃអគ្គនាយកដ្ឋានបច្ចេកទេសវប្បធម៌ ថ្លែងក្នុងឱកាស «ចែកវិញ្ញាបនបត្រ ជូនសិស្សានុសិស្សឆ្នាំសិក្សា២០២៤-២០២៥ និងបើកវគ្គបណ្ដុះបណ្ដាលជំនាញវិជ្ជាជីវៈដូនតាឆ្នាំសិក្សា ២០២៥-២០២៦ បានឲ្យដឹងថា៖ វគ្គបណ្តុះបណ្តាលជំនាញវិជ្ជាជីវៈដូនតា បានបើកដំណើរការ នៅតាមខេត្តចំនួន ៦, ទីតាំងចំនួន ១១, មានថ្នាក់រៀនចំនួន ១៣, ជំនាញចំនួន ៨ និងមានសិស្សចំនួន ១៨៥នាក់ (ស្រី៨៦នាក់)។ រយៈពេលសិក្សាមានចំនួន១២ខែ។ ថ្នាក់រៀនទាំង១៣ បានបែងចែកជាពីរវេន គឺវេនរៀនថ្ងៃសៅរ៍និងអាទិត្យ និងវេនរៀនពីថ្ងៃចន្ទ ដល់ថ្ងៃសុក្រ។ ចំពោះ ថ្នាក់រៀនថ្ងៃសៅរ៍និងអាទិត្យ […]

ពិធីបុណ្យវិសាខបូជា ជាការចូលរួម ជម្រុញឲ្យយុវជនខ្មែរបានស្វែងយល់បន្ថែម ពីអ្វីពាក់ព័ន្ធ នឹងព្រះពុទ្ធបរមគ្រូនៃយើង

អាជ្ញាធរខេត្តសៀមរាប បានលើកឡើងថា ការរៀបចំបុណ្យវិសាខបូជា ជាការចូលរួមលើកកម្ពស់ការយល់ដឹងបន្ថែមដល់សាធារណជន ជាពិសេសសាមណេរ និងសីលវន្ត សីលវតីរបស់យើង បានស្វែងយល់អំពីពុទ្ធប្រវត្តិ និងពុទ្ធឱវាទរបស់ព្រះពុទ្ធបរមគ្រូនៃយើង ហើយតម្កល់ចិត្តឲ្យបានជ្រះថ្លាដែលជាធម៌អប់រំចិត្តដ៏ប្រពៃថ្លៃថ្លា ហើយត្រូវបានទទួលស្គាល់ទូទាំងពិភពលោក។ក្នុងពិធីបុណ្យវិសាខបូជា លើកទី១២ នៅខេត្តសៀមរាប នាថ្ងៃទី១១ ខែឧសភានេះ លោក លី សារី អភិបាលរងខេត្តតំណាងឯកឧត្តម ប្រាក់ សោភ័ណ អភិបាលនែគណៈអភិបាលខេត្ត បានលើកឡើងថា បុណ្យវិសាខបូជា ដែលរៀបចំឡើងនាពេលនេះ ក៏ដើម្បីរំឭកដល់ព្រឹត្តិការណ៍ចំនួន៣ ក្នុងសម័យពុទ្ធកាល រួមមាន៖ ពេលព្រះពុទ្ធទ្រង់ប្រសូត ពេលព្រះអង្គបានត្រាស់ដឹង និងពេលព្រះសម្មាសម្ពុទ្ធចូលបរិនិព្វាន ហើយការប្រារព្ធនាពេលនេះ គឺនៅលើទឹកដីអតីតទីក្រុងអង្គរធំដ៏ពិសិដ្ឋនៃដែនដីបុព្វបុរសខ្មែរយើង។ ក្នុងនោះមិនមែនមានតែប្រជាពលរដ្ឋខ្មែរអ្នកកាន់ព្រះពុទ្ធសាសនាប៉ុណ្ណោះទេ ដែលប្រារព្ធពិធីបុណ្យនេះ គឺនៅជុំវិញពិភពលោកដែលកាន់ព្រះពុទ្ធសាសនា។ គោលការណ៍សន្តិភាព អហិង្សាធម៌ និងសីល៥ នៃទ្រឹស្ដីព្រះសម្មាសម្ពុទ្ធ ត្រូវបានអង្គការសហប្រជាជាតិបញ្ចូលទៅក្នុងខ្លឹមសារស្ទើរតែទាំង ស្រុងនៃសេចក្ដីថ្លែងការណ៍ជាសកល ស្ដីពីសិទ្ធិមនុស្ស ។ លោកបន្តថា ពិតណាស់ព្រះពុទ្ធសាសនា រីកចម្រើនទៅបានស្របតាមស្ថានភាពសង្គមជាតិយើង ជាពិសេសបានស្ដែងឲ្យឃើញនូវការសាមគ្គីដ៏ល្អប្រពៃផុសចេញពីសន្ដានចិត្តរបស់ពុទ្ធសាសនិក ព្រះសង្ឃនៅតាមទីវត្តអារាម លោកយាយលោកតា ដែលតែងតែមានសទ្ធាជ្រះថ្លាបានលះបង់កម្លាំងកាយ កម្លាំងចិត្ត បូជាចំពោះព្រះរតនត្រ័យ និងជួយអប់រំកូនចៅឱ្យប្រតិបត្តិតែអំពើជាកុសល ដែលជាការរួមចំណែកយ៉ាងធំធេងក្នុងការបណ្ដុះធនធានមនុស្ស […]

រាត្រីស្រមោលសរ មនុស្សធម៌ ទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០២៥នៅខេត្តសៀមរាប

សាខាកាកបាទក្រហមកម្ពុជាខេត្តសៀមរាប បានរៀបចំរាត្រីស្រមោលសរ មនុស្សធម៌ នៃខួបលើកទី១៦២ ទិវាពិភព លោកកាកបាទក្រហម អឌ្ឍចន្ទក្រហម ៨ឧសភា ឆ្នាំ២០២៥ ក្រោមប្រធានបទ (រួមគ្នាស្ម័ត្រចិត្ត ដើមី្បសហគមន៍មានសុខភាពល្អ និង មានភាពធន់នឹងអាកាសធាតុ) ក្នុងការប្រមូលថវិកាសម្រាប់យកទៅធ្វើសកម្មភាពជួយសង្រ្គោះប្រជាពលរដ្ឋ នៅក្នុងខេត្ត ក៏ដូចបណ្តាខេត្តផ្សេងៗ ដែលទទួលរងគ្រោះ ដោយគ្រោះធម្មជាតិ ឬ ឧបទ្ទវហេតុផ្សេងៗ ដោយមិនបានប្រកាន់បក្ខពួក ពូជសាសន៍ ពណ៌សម្បុរ និងនិន្នាការនយោបាយណាមួយឡើយ។ ពិធីនេះ ធ្វើឡើងក្រោមអធិបតីភាពដ៏ខ្ពង់ខ្ពស់របស់សម្តេចពិជ័យសេនា នាយឧត្តមសេនីយ៍ផុតលេខ ផ្កាយមាស៥ ទៀ បាញ់ ឧត្តមក្រុមប្រឹក្សាផ្ទាល់ព្រះមហាក្សត្រ និងក្រោមវត្តមានចូលរួមរបស់ឯកឧត្តមនាកយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងលោកជំទាវ ក្នុងគោលបំណងលើកកម្ពស់ការយល់ដឹងពីបញ្ហាប្រឈមជាសាកល នៃចលនាកាកបាទក្រហម អឌ្ឍចន្ទក្រហម ដើម្បីកៀរគររកមូលនិធិ ដែលជាប្រភពធនធានសម្រាប់ធ្វើប្រតិបត្តិការមនុស្សធម៌ ។ ពិធីរាត្រីស្រមោលស នេះ បានប្រារព្ធធ្វើឡើងនៅភោជនីយដ្ឋាន វិមានមង្គល ខេត្តសៀមរាប រាត្រីថ្ងៃទី០៥ ខែឧសភា ឆ្នាំ២០២៥។ឯកឧត្តម ប្រាក់ សោភ័ណ ប្រធានគណៈកម្មាធិការសាខាកាកបាទក្រហមខេត្តសៀមរាបបានមានប្រសាសន៍ថា […]

រដ្ឋបាលខេត្តរៀបចំបទបង្ហាញ ដេីម្បីចែករំលែក បទពិសោធន៍លើការងារ គ្រប់គ្រងរដ្ឋបាល របស់រដ្ឋបាលខេត្ត សៀមរាប ជូននិស្សិតសាកលវិទ្យាជាតិ ជាស៉ីមកំចាយមារ

នាថ្ងៃទី០៥ខែ ឧសភា ឆ្នាំ២០២៥ លោក ឌី រ៉ាដូ អភិបាលរងខេត្តសៀមរាប តំណាងដ៏ខ្ពង់ខ្ពស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប បានអញ្ជើញជាអធិបតីក្នុងពិធីបើកកម្មវិធីបទបង្ហាញចែករំលែកបទពិសោធន៍លើការងារគ្រប់គ្រងរដ្ឋបាល របស់រដ្ឋបាលខេត្តសៀមរាប ដល់សាស្រ្តាចារ្យ និស្សិត នៃសាកលវិទ្យាល័យជាតិជាស៊ីមកំចាយមារ ចំនួន ៩០នាក់ដឹកនាំដោយលោក ស៊ាន សុព័ន ព្រឹទ្ធបុរស មហាវិិទ្យាល័យ វិទ្យាសាស្ត្រសង្គម នៃសាកលវិទ្យាជាតិជាស៉ីមកំចាយមារ ខេត្តព្រៃវែង ដោយមានការចូលរួមធ្វើបទបង្ហាញចែករំលែកពីអស់លោកនាយកទីចាត់រដ្ឋបាលខេត្ត ពីមន្ត្រីទីចាត់ការអន្តរវិស័យ អង្គភាពច្រកចេញចូលតែមួយខេត្ត និង លោកប្រធានផ្នែកស៊ើបអង្កេត នៃការិយាល័យប្រជាពលរដ្ឋខេត្ត នាយករងទីចាត់ការគ្រប់គ្រងធនធានមនុស្ស ចំណុះសាលាខេត្តសៀមរាប ជាវាគ្មិន ។ក្នុងនោះវាគ្មិនបានធ្វើបទបង្ហាញអំពីរបៀបរបរប នៃការគ្រប់គ្រងឯកសារ និង ចរាចរលិខិតនានាទៅតាមទីចាត់ការ និង អង្គភាពបានល្អ និង អំពីនិតិវិធីដោះស្រាយទំនាស់ក្រៅប្រព័ន្ធតុលាការ និង នីតិវិធីនិងដំណើរការគ្រប់គ្រង នៃការផ្តល់សេវាសាធារណៈរបស់អង្គភាពច្រកចេញចូលតែមួយ នៃរដ្ឋបាលខេត្ត និង តួនាទី ភារកិច្ច លើកវិធីសាស្ត្រ សម្រុះសម្រួល ដោះស្រាយនូវរាល់ពាក្យបណ្តឹងរបស់ប្រជាពលរដ្ឋ តាមរយៈការិយាល័យប្រជាពលរដ្ឋខេត្ត ។ឆ្លងតាមការបកស្រាយនូវរាល់សំណួររបស់សមណនិសិ្សត […]

សាខាកាកបាទក្រហមកម្ពុជា ខេត្តសៀមរាបនាំយក អំណោយមនុស្សធម៌ ជូនបងប្អូនប្រជាពលរដ្ឋ រងគ្រោះដោយខ្យល់កន្ត្រាក់

នៅថ្ងៃទី៣០ ខែមេសា ឆ្នាំ២០២៥ ឯកឧត្តមអ្នកឧកញ៉ាបណ្ឌិត សៀង ណាំ ប្រធានកិត្តយសសាខាកាកបាទ ក្រហមកម្ពុជា ខេត្តសៀមរាប និងសហការី បានអញ្ជើញជួបសំណេះសំណាល សួរសុខទុក្ខ និងនាំយកអំណោយមនុស្សធម៌ ជូនបងប្អូនប្រជាពលរដ្ឋរងគ្រោះដោយខ្យល់កន្ត្រាក់ ក្នុងភូមិសាស្ត្រស្រុកក្រឡាញ់ ចំនួន ២៧គ្រួសារ (ក្នុងនោះ រលំចំនួន ០៤ខ្នង និងប៉ះពាល់ធ្ងន់ចំនួន ២៣ខ្នង) ករណីរងគ្រោះនេះកើតឡើងកាលពីរសៀលថ្ងៃទី២៦ ខែមេសា ឆ្នាំ២០២៥កន្លងទៅ ។ ពិធីចែកអំណោយនៅធ្វើនៅបរិវេណសាលាឆទានភូមិកញ្ជាន់ជ្រៅ ឃុំរោងគោ ស្រុកក្រឡាញ់ ខេត្តសៀមរាប ។មានប្រសាសន៍នាឱកាសនោះ ឯកឧត្តមអ្នកឧកញ៉ាបណ្ឌិត សៀង ណាំ បានពាំនាំនូវការផ្ដាំផ្ញើសួរសុខទុក្ខដ៏ខ្ពង់ខ្ពស់ពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាលតែងតែចិត្តទុកដាក់ខ្ពស់ ចំពោះសុខទុក្ខ លោកយាយ លោកតា អ៊ំពូមីង បងប្អូនប្រជាពលរដ្ឋរងគ្រោះ និងងាយរងគ្រោះគ្រប់រូប ដោយមិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ ស្របតាមទិសស្លោក (ទីណាមានទុក្ខលំបាក ទីនោះមានកាកបាទក្រហមកម្ពុជា) និង […]

កិច្ចប្រជុំសម្របសម្រួល និង ផ្សព្វផ្សាយ ការអនុវត្តន៍និតិវិធី ផ្តល់មូលនិធិសមធម៌ សុខាភិបាល សម្រាប់បុគ្គលបម្រើក្នុងសេវាកម្សាន្តទេសចរណ៍ សេដ្ឋកិច្ចក្រៅប្រព័ន្ធ

ការផ្តល់ប័ណ្ណមូលនិធិសមធម៌សុខាភិបាល សម្រាប់បុគ្គលបម្រើក្នុង សេវាកម្សាន្តទេសចរណ៍នៃសេដ្ឋកិច្ចក្រៅប្រពន្ធ័គឺមានសារៈសំខាន់​ សម្រាប់ការគាំទ្រដល់ប្រជាជនគន្លឹះ ក្នុងការទទួលបាន សេវាមេរោគអេដស៍ និងសុខភាព ជាពិសេស ការព្យាបាលជម្ងឺកាមរោគ ។ តាមការបញ្ជាក់របស់ ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធ នឹងជម្ងឺអេដស៍ ថ្លែងក្នុងឱកាសបើកកិច្ចប្រជុំសម្របសម្រួល និង ផ្សព្វផ្សាយ ការអនុវត្តនីតិវិធី ផ្តល់ប័ណ្ណមូលនិធិសមធម៌សុខាភិបាល សម្រាប់បុគ្គលបម្រើក្នុង សេវាកម្សាន្តទេសចរណ៍ នៃសេដ្ឋកិច្ចក្រៅប្រពន្ធ័ក្នុងការឆ្លើយតបនឹងមេរោគអេដស៍ និង ជម្ងឺអេដស៍នាថ្ងៃទី២៩ ខែមេសា ឆ្នាំ២០២៥, នៅសណ្ឋាគារ សុខាល័យអង្គរ, ខេត្តសៀមរាប។ ឯកឧត្តម អៀង មូលី ទេសរដ្ឋមន្ត្រី បានលើកឡើងថា នេះគឺជាគំនិតផ្តួចផ្តើមឈ្នះ-ឈ្នះ ដោយសាររាជរដ្ឋាភិបាលកម្ពុជា រ៉ាប់រងការចំណាយពាក់ព័ន្ធទាំងអស់ សម្រាប់ទាំងប្រជាជនគន្លឹះ ចំណែកឯអ្នកផ្តល់សេវាថែទាំសុខភាពក៏នឹងទទួល កម្រៃសេវាដែលគេបានផ្តល់ ។ អាជ្ញាធរជាតិប្រយុទ្ធនឹងជម្ងឺអេដស៍ រំពឹងថាការចុះឈ្មោះ ប្រជាជនគន្លឹះឲ្យទទួលបាន មសស អាចឲ្យយើង ឈានទៅស្វែងរកឃើញអ្នកផ្ទុកមេរោគអេដស៍ដែលនៅសល់ពីប្រមាណ ៧ពាន់ ទៅ ៨ពាន់នាក់ ដែលមិនទាន់ទទួលការថែទាំព្យាបាលនៅឡើយ ។ នៅពេលដែលបានចុះឈ្មោះ […]

កម្លាំងប៉ុស្ដិ៍នគរបាលរដ្ឋបាលទាំង១២ នៃអធិការដ្ឋាននគរបាល ក្រុងសៀមរាប បន្តចុះធ្វើការផ្សព្វផ្សាយ អំពីគោលនយោបាយ ភូមិ ឃុំ-សង្កាត់ មានសុវត្ថិភាព ដល់ ប្រជាពលរដ្ឋ នៅតាមមូលដ្ឋាន

ខេត្តសៀមរាប៖ ថ្ងៃសុក្រ ១៣រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី២៥ ខែមេសា ឆ្នាំ២០២៥ ដោយអនុវត្តតាមការណែនាំរបស់លោកវរសេនីយ៍ឯក ដា ចំរើន អធិការនគរបាលក្រុងសៀមរាប កម្លាំងប៉ុស្ដិ៍នគរបាលរដ្ឋបាលទាំង១២ បានបន្តចុះធ្វើការផ្សព្វផ្សាយ អំពីគោលនយោបាយ ភូមិ ឃុំ-សង្កាត់ មានសុវត្ថិភាព ដើម្បីបង្ការក៏ដូចជាកាត់បន្ថយបទល្មើសតាមមូលដ្ឋាន។ ក្នុងនោះផងដែលក៏បានផ្សព្វផ្សាយ អំពីផលប៉ះពាល់នៃគ្រឿងញៀន,បារីអេឡិចត្រូនិច,ច្បាប់ស្តីពីចរាចរណ៍ផ្លូវគោក ដល់ប្រជាពលរដ្ឋ និងសិស្សានុសិស្សនៅតាមសាលារៀន និងបានជម្រុញបន្ថែមដល់ពលរដ្ឋ ដែលមានកូនគ្រប់អាយុ និងអ្នកហួសសុពលភាពត្រូវទៅធ្វើ អត្តសញ្ញាណប័ណ្ណសញ្ជាតិខ្មែរ ព្រមទាំងបានប្រគល់ជូនសៀវភៅគ្រួសារ សៀវភៅស្នាក់នៅ និងអត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋនៅតាមមូលដ្ឋានផងដែរ។ ប្រសិនបើបងប្អូនប្រជាពលរដ្ឋ ជួបបញ្ហាអសន្តិសុខ ក្នុងក្រុងសៀមរាប សូមទាក់ទងមកលេខប្រចាំការខាងក្រោម ២៤ម៉ោង/២៤ម៉ោង៖𝗛𝗼𝘁𝗹𝗶𝗻𝗲 𝟬𝟵𝟳 𝟳𝟳𝟴 𝟬𝟭𝟮𝟯𝗖𝗲𝗹𝗹𝗰𝗮𝗿𝗱 𝟬𝟭𝟮 𝟮𝟯𝟵 𝟮𝟰𝟬𝗖𝗲𝗹𝗹𝗰𝗮𝗿𝗱 𝟬𝟭𝟮 𝟰𝟲𝟬 𝟱𝟳𝟬𝗧𝗲𝗹𝗲𝗴𝗿𝗮𝗺: https://t.me/AthikaKrongSiemR

ស្រាវជ្រាវ និងសហការឃាត់ខ្លួន យុវជនដែលបាន ធ្វើសកម្មភាព វាយទៅលើស្ត្រី ( អ្នកសុំទានសរសៃខ្ចី ) និងជេរប្រមាថ

ក្រោមកិច្ចសហការដ៏ល្អ រវាងកម្លាំងផែនការងារនគរបាលព្រហ្មទណ្ឌ នៃស្នងការដ្ឋាននគរបាលខេត្តសៀមរាប ជាមួយកម្លាំងនាយកដ្ឋាននគរបាលព្រហ្មទណ្ឌ និងក្រោមការយកចិត្តទុកដាក់ជាប្រចាំពី សំណាក់លោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាប ចំពោះបងប្អូនប្រជាពលរដ្ឋក្នុងខេត្តសៀមរាប ទាំងមូល អំពីបញ្ហាសន្តិសុខ សុវត្ថិភាព និងមានកិច្ចសម្របសម្រួលនីតិវិធីពីឯកឧត្តម មាស ច័ន្ទពិសិដ្ឋ ព្រះរាជអាជ្ញា នៃអយ្យការអមសាលាដំបូងខេត្តសៀមរាប ។   នៅថ្ងៃទី១៩ ខែមេសា ឆ្នាំ២០២៥ មានគណនីហ្វេសប៊ុកឈ្មោះ Ro Bito បានបង្ហោះឃ្លីបវីដេអូខ្លីមួយ មានរយះពេល ២៤វិនាទី ដោយភ្ជាប់រូបភាពមានប្រើអំពើហិង្សាដោយចេតនា ( វាយអ្នកសុំទានសរសៃខ្ចី ) ប្រព្រឹត្តនៅត្រង់ចំណុច មុខម៉ាត 7 ELEVEN ស្ថិតក្នុងភូមិស្ទឹងថ្មី សង្កាត់ស្វាយដង្គំ ក្រុងសៀមរាប ខេត្តសៀមរាប កាលពីវេលាម៉ោង ១ និង ៤៥នាទីរំលងអធ្រាត្រ (ម៉ោងកាំមេរ៉ាសុវត្ថិភាព) ឈានចូលថ្ងៃទី១៩ ខែមេសា ឆ្នាំ២០២៥ បង្កឡើងដោយជនសង្ស័យម្នាក់មិនស្គាល់អត្តសញ្ញាណ បានធ្វើសកម្មភាពវាយទៅលើស្ត្រីអ្នកសុំទាន និងបានជេរប្រមាថផងដែរ ក្រោយពីធ្វើសកម្មភាពរួចជនសង្ស័យ ក៏បានគេចខ្លួនបាត់ ចំណែកជនរងគ្រោះជាស្រ្តីរងគ្រោះ ក៏បានបាត់ខ្លួនមិនដឹងទៅរស់នៅទីណាដែរ។បន្ទាប់ពីទទួលបានព័ត៌មានតាមរយះគណនីហ្វេសប៊ុកឈ្មោះ Ro […]